Жанлуижи Доннарумма ва "ПСЖ" ўртасидаги музокаралар жараёни қайта тикланди. Нуфузли инсайдер Фабрицио Романонинг ижтимоий тармоқларда ёзишича, Доннарумма вакиллари клуб вакиллари билан учрашиб, янги шартномани муҳокама қилишган.
26 ёшли Доннарумманинг "ПСЖ" билан амалдаги меҳнат шартномаси 2026 йилнинг ярмигача мўлжалланган. Парижликлар сафида италиялик посбон 155 та ўйин ўтказиб, 152 та гол ўтказиб юборган.
Эслатиб ўтамиз, Жанлуижи Доннарумма 2024/2025 йилги мавсумда "ПСЖ" билан барча тўртта совринни қўлга киритди - Франция чемпионати, Франция кубоги, Франция Суперкубоги ва Чемпионлар лигаси.













