"Арсенал" "Реал Сосьедад" таянч ярим ҳимоячиси Мартин Субименди билан шартнома имзолашга келишиб олди, дея хабар бермоқда инсайдер Фабрицио Романо.
Манбага кўра, Лондон клуби 26 ёшли испаниялик футболчи учун 60 миллион евродан сал кўпроқ пул тўлайди.
"Канонирлар"нинг испанлар билан муносабатлари жуда яхши, шунинг учун томонлар тўловни бўлиб-бўлиб тўлашга келишиб олган.
Субименди "Реал Сосьедад" тарбияланувчиси ҳисобланади. У жорий мавсум 48 та ўйинда 2 та гол ва 1 та голли узатмага муаллифлик қилган.













