Ҳимоячи Франсиско Сьерральта "Уотфорд"дан "Осер"га ўтди. 28 ёшли чилилик француз клуби билан 4 йиллик шартнома имзолади. У янги жамоасида 4-рақам остида ҳаракат қилади.

Sky Sports хабарига кўра, трансфер қиймати 2 миллион фунтни ташкил қилган.

Сьерральта 2020 йилдан буён инглиз клубида тўп тепиб келаётганди. У бунгача "Эмполи," "Удинезе," "Парма," "Гранада" ва "Палестино" клубларида ҳам ўйнаган.

2024/25 йилги мавсумда у барча турнирларда 35 та ўйинда майдонга тушди. Шунингдек, у фаолияти давомида Чили терма жамоаси сафида 15 та ўйин ўтказган.