"Ювентус" вингери Тимоти Веа ёзги трансфер ойнасида жамоасини ўзгартириши мумкин. Америкалик футболчига Англиянинг "Тоттенхэм" ва "Эвертон" клублари қизиқиш билдирмоқда, деб хабар бермоқда журналист Себастьян Дэни. Шунингдек, 25 ёшли футболчига яна икки клуб даъвогарлик қилмоқда, уларнинг номлари ҳозирча ошкор этилмаяпти. Тўртта нақд харидор ҳам аллақачон сўров билан мурожаат қилган.
Тимоти Веа жорий мавсум "Ювентус" сафида 43 та ўйинда 6 та гол ва 5 та голли узатмага муаллифлик қилди - у ҳимояда ҳам, ҳужумда ҳам икки қанотда ўйнашга улгурди, шунингдек, марказий ҳужумчи сифатида ҳам ҳаракат қилди. Transfermarkt портали "ПСЖ" тарбияланувчисининг нархини 17 млн еврога баҳоламоқда.
