"Yuventus" vingeri Timoti Vea yozgi transfer oynasida jamoasini o‘zgartirishi mumkin. Amerikalik futbolchiga Angliyaning "Tottenxem" va "Everton" klublari qiziqish bildirmoqda, deb xabar bermoqda jurnalist Sebastyan Deni. Shuningdek, 25 yoshli futbolchiga yana ikki klub da’vogarlik qilmoqda, ularning nomlari hozircha oshkor etilmayapti. To‘rtta naqd xaridor ham allaqachon so‘rov bilan murojaat qilgan.
Timoti Vea joriy mavsum "Yuventus" safida 43 ta o‘yinda 6 ta gol va 5 ta golli uzatmaga mualliflik qildi - u himoyada ham, hujumda ham ikki qanotda o‘ynashga ulgurdi, shuningdek, markaziy hujumchi sifatida ham harakat qildi. Transfermarkt portali "PSJ" tarbiyalanuvchisining narxini 17 mln yevroga baholamoqda.
