Катта клублар нафақат қисқа муддатда, балки узоқ муддатда ҳам режалар тузадилар. "Манчестер Сити" эса жамоа бошқарувидаги Хосеп Гвардиоланинг ўрнига ким келишини ҳақида ҳозирданоқ ўйламоқда.
FootballTransfers хабарига кўра, "шаҳарликлар" Сеск Фабрегасни номзод сифатида кўряпти. Инглиз клуби раҳбарлари Фабрегаснинг нафақат мураббийлик нуқтаи назаридан, балки унинг вазминлиги, етакчилар билан мулоқот қилиш ва жамоа яратиш маҳоратидан ҳам ҳайратда.
Айни пайтда 38 ёшли Сеск Фабрегас А Серияда "Комо"га устозлик қилмоқда. Ўтган мавсумда жамоа чемпионат жадвалида 10-ўринни эгаллаганди.
