"Челси" бош мураббийи Энцо Мареска клублар ўртасидаги жаҳон чемпионати бўлиб ўтаётган АҚШдаги иссиқ ҳаво ҳақида гапирди. Бугун, 20 июнь куни 2-тур ўйинида “Челси” Бразилиянинг “Фламенго” жамоасига қарши майдонга тушади.
"Биз ўзимиз учун муҳим деб билган нарсаларга, айниқса тактик жиҳатдан, биринчи ўринга қўйишга ҳаракат қиламиз. Сабаби - кўп сонли ўйинлар ва машғулотлар, шу сабабли ўйинчилар одамлар сифатида 11 ой давомида 100% тайёр бўла олмайдилар. Ҳатто бугун эрталаб биз машғулот ўтказдик, у ерда тактик жиҳатга эътибор қаратдик.
Худди шундай ҳолат нафақат бизда, балки бошқа жамоаларда ҳам кузатилмоқда. Афсуски, биз учун Бразилия жамоалари бундай ҳароратда ўйнашга кўпроқ ўрганиб қолгандир, аммо бу муҳим эмас. Биз ўйинда ғалаба қозониш учун қўлимиздан келганини қилишга ҳаракат қиламиз", - дея Маресканинг сўзларини келтиради "Челси" расмий сайти.
