Миланнинг "Интер" клуби "Манчестер Юнайтед"нинг 27 ёшли ҳужумчиси Маркус Рэшфордга қизиқиш билдирмоқда. Бу ҳақда журналист Экрем Конур Х ижтимоий тармоғида хабар берди.
Манбага кўра, "нерадзуррилар" аллақачон футболчининг вакиллари билан алоқа ўрнатган. Қайд этилишича, Рэшфорднинг юқори маоши келишувни мураккаблаштириши мумкин.
Ўтган йилнинг февраль ойида Рэшфорд ижара асосида "Астон Вилла"га ўтган эди. Бу даврда у барча турнирларда 17 та ўйинда майдонга тушиб, тўртта гол ва олтита голли узатмани амалга оширди. Футболчининг манкунианликлар билан амалдаги меҳнат шартномаси 2028 йилнинг ёзига қадар мўлжалланган.
