Milanning "Inter" klubi "Manchester Yunayted"ning 27 yoshli hujumchisi Markus Reshfordga qiziqish bildirmoqda. Bu haqda jurnalist Ekrem Konur X ijtimoiy tarmog‘ida xabar berdi.
Manbaga ko‘ra, "neradzurrilar" allaqachon futbolchining vakillari bilan aloqa o‘rnatgan. Qayd etilishicha, Reshfordning yuqori maoshi kelishuvni murakkablashtirishi mumkin.
O‘tgan yilning fevral oyida Reshford ijara asosida "Aston Villa"ga o‘tgan edi. Bu davrda u barcha turnirlarda 17 ta o‘yinda maydonga tushib, to‘rtta gol va oltita golli uzatmani amalga oshirdi. Futbolchining mankunianliklar bilan amaldagi mehnat shartnomasi 2028 yilning yoziga qadar mo‘ljallangan.
