Мадриднинг "Реал" клуби ярим ҳимоячиси Арда Гюлер жамоанинг янги бош мураббийи Хаби Алонсо ҳақидаги фикрлари билан ўртоқлашди.
Испаниялик футболчи май ойи охирида Бразилия терма жамоасига кетган "қаймоқранглилар" собиқ бош мураббийи Карло Анчелотти ўрнини эгаллади.
"Алонсо мен билан доим гаплашиб туради, шунинг учун ўзимни жамоа учун муҳимроқ футболчи сифатида ҳис қила бошладим. У темпни назорат қилишимизни хоҳлайди, қисқа узатмаларга рухсат беради - бу менга мос келади. Шунингдек, у мени майдон марказида кўради, бу ҳам мен учун яхши," - дея Гюлернинг сўзларини келтиради Diario AS.
