"Манчестер Сити" марказий ҳимоячиси Жон Стоунз клублар ўртасидаги ЖЧ-2025 2-туридан ўрин олган "Ал-Айн"га қарши ўйин олдидан келаси мавсум ҳам клубда қолишга қарор қилганини маълум қилди.

"Мен шу ердаман ("Ман Сити" таркибида - таҳр.), шу ерда қолишни хоҳлайман, бу менга ёқади.

Мен жамоага ёрдам бериш учун шу ердаман. Матбуотда нима дейишаётгани ёки тахмин қилишаётганини билмайман, лекин умид қиламанки, бу барча миш-мишларга чек қўяди," - деди Стоунз.

31 ёшли англиялик марказий ҳимоячи "шаҳарликлар" сафида 2016 йил ёзидан буён тўп тепиб келмоқда, ўшанда у "Эвертон"дан тахминан 55 миллион евро эвазига трансфер қилинган эди.

Стоунснинг клуб билан амалдаги шартномаси 2026 йилнинг июнигача мўлжалланган.