Мадриднинг "Реал" клуби ярим ҳимоячиси Федерико Вальверде Хаби Алонсони Карло Анчелоттига қиёслади.
Испаниялик мутахассис жорий ой бошида италиялик мутахассис ўрнига "қаймоқранглилар" бош мураббийи сифатида иш бошлаганди.
"Уларнинг футболи ҳар хил. Хаби ярим ҳимоячиларнинг тўпга эга чиқиш учун пастги зонага ўтишини истамаяпти. У хавфли зоналарда тўпни қабул қилишимиз ва у ердан ҳужумларни хавфлилаштириш учун чизиқлар орасида бўлишимизни сўраяпти. Шунингдек, Хаби доминантликка кўпроқ таянади," - дея Вальверденинг ўйиндан кейинги интервьюсидан иқтибос келтиради "Газета.Ру."
