"Манчестер Сити" ярим ҳимоячиси Илкай Гюндоган клублар ўртасидаги жаҳон чемпионатининг "Ал-Айн"га (6:0) қарши ўйинининг энг яхши футболчиси деб топилди.
34 ёшли футболчи “шаҳарликлар”нинг олтита голидан иккитасини киритди – у 8 ва 73-дақиқаларда гол урди.
Учрашувнинг энг яхши футболчиси учун мукофотни айнан немис қўлга киритди.
Ярим ҳимоячи, шунингдек, яккама-якка курашларда уч марта ғалаба қозонди ва иккита муваффақиятли дриблинг қайд этди.
“Манчестер Сити” жаҳон чемпионати гуруҳ босқичининг икки туридан сўнг “Ювентус” каби 6 очкога эга. 26-июнь, пайшанба куни жамоалар сўнгги турда ўзаро тўқнаш келишади.
