Клублар ўртасидаги жаҳон чемпионати "B гуруҳи" 3-тур доирасидаги учрашувлар бўлиб ўтди. Унда Испаниянинг «Атлетико» жамоаси Бразилиянинг «Ботафого» жамоасига қарши майдонга тушган бўлса, «ПСЖ» клуби «Сиэтл Саундерс»га баҳсда иштирок этди.
Мадридликлар Бразилия жамоаси устидан кичик ҳисобда ғалаба қозонишди. Учрашувда ягона голни Антуан Гризманн 87-дақиқада Хулиан Альвареснинг узатмасидан сўнг киритди. Ушбу ғалабадан кейин «Атлетико» 6 очко жамғарди ва ўзаро ўйинлар натижалари бўйича 3-ўринни эгаллаб, мусобақани тарк этди. «Ботафого» ҳам 6 очко тўплади, лекин иккинчи ўринни эгаллаб, кейинги босқичга йўл олди.
“Сиэтл Саундерс”ни мағлуб этган “Пари Сен-Жермен” жамоаси эса "B" гуруҳи ғолибига айланди. Учрашувнинг 35-дақиқасида “ПСЖ”нинг қанот ҳужумчиси Хвича Кварацхелия бурчак зарбасидан сўнг ҳисобни очди. 68-дақиқада эса жамоа ҳимоячиси Ашраф Ҳакимий ҳисобни 2:0 кўринишига олиб келди.
Клублар ўртасидаги жаҳон чемпионати — 2025. B гуруҳи. 3-тур
2025 йил 23 июн, душанба. 22:00 МСК
Атлетико Мадрид - Ботафого - 1:0
Гол: 1:0 — Гризманн (87)
Сиэтл Саундерс - ПСЖ - 0:2
Голлар: 0:1 — Кварацхелия (35'), 0:2 — Ҳакимий (67')
| № | Жамоа | Ўйин | Ғалаба | Дуранг | Мағ-ят | Т-Н | Очко | |
|---|---|---|---|---|---|---|---|---|
| 1 |  |
ПСЖ | 3 | 2 | 0 | 1 | 6-1 | 6 |
| 2 |  |
Ботафого | 3 | 2 | 0 | 1 | 3-2 | 6 |
| 3 |  |
Атлетико | 3 | 2 | 0 | 1 | 4-5 | 6 |
| 4 |  |
Сиэтл Саундерс | 3 | 0 | 0 | 3 | 2-7 | 0 |
