"Ювентус" ва "Манчестер Юнайтед" клубларининг собиқ ярим ҳимоячиси Поль Погба фаолиятини "Монако"да давом эттиради. Х ижтимоий тармоғида журналист Фабрицио Романонинг хабар беришича, томонлар 2027 йил июнигача шартнома тузишга келишиб олган.
"Битимнинг якуний тафсилотлари аллақачон келишиб олинган, яқин соатларда ҳуқуқшунослар шартномани текширади, шундан сўнг Поль Монакога учиб кетади. Тиббий кўрик шу ҳафтада бўлиб ўтади," деб ёзган Романо.
Погба 2024 йил охиридан бери "Ювентус" у билан шартномани бекор қилганидан кейин эркин агент бўлиб турибди.
