"Челси"нинг чап қанот ҳимоячиси Марк Кукурелья клублар ўртасидаги жаҳон чемпионатида "Эсперанс"га қарши бўлиб ўтадиган ўйиндан нималар кутаётгани ҳақида гапирди.
Учрашув гуруҳ босқичининг 3-тури доирасида бўлиб ўтади. Иккала жамоа ҳам плей-офф йўлланмаси учун сўнгги ўйинга уч очко билан яқинлашмоқда.
"Жуда муҳим ўйин, ғалаба бизга 1/8 финал йўлланмасини кафолатлайди. "Эсперанс" ўйинларини томоша қилдик - жамоа яхши футбол намойиш этмоқда. Бу сифатли таркибга эга кучли рақиб, концентрацияни сақлаб қолишимиз керак," - дея Кукурельянинг сўзларини келтиради "Челси" матбуот хизмати.
