"Chelsi"ning chap qanot himoyachisi Mark Kukurelya klublar o‘rtasidagi jahon chempionatida "Esperans"ga qarshi bo‘lib o‘tadigan o‘yindan nimalar kutayotgani haqida gapirdi.

Uchrashuv guruh bosqichining 3-turi doirasida bo‘lib o‘tadi. Ikkala jamoa ham pley-off yo‘llanmasi uchun so‘nggi o‘yinga uch ochko bilan yaqinlashmoqda.

"Juda muhim o‘yin, g‘alaba bizga 1/8 final yo‘llanmasini kafolatlaydi. "Esperans" o‘yinlarini tomosha qildik - jamoa yaxshi futbol namoyish etmoqda. Bu sifatli tarkibga ega kuchli raqib, konsentrasiyani saqlab qolishimiz kerak," - deya Kukurelyaning so‘zlarini keltiradi "Chelsi" matbuot xizmati.