Миланнинг "Интер" клуби бош мураббийи Кристиан Киву "Ривер Плейт" ҳужумкор ярим ҳимоячиси Франко Мастантуоно ҳақида қандай фикрда эканини айтди.
Аргентиналик 17 ёшида жамоасининг асосий юлдузларидан бирига айланган. Август ойида у Мадриднинг "Реал" клубига ўтади - трансфер аллақачон расмийлаштирилган.
"У 2007 йилда туғилган, аммо жуда кўп ўйин ўтказишга улгурди. У тўп билан муомаласи ва чап оёғида қандай ўйнаши билан менга Анхель ди Марияни бироз эслатади. Шубҳасиз, Мастантуононинг футболда келажаги порлоқ. "Реал"да жуда жиддий талаблар бор, аммо у буни уддалайди," - деди Киву клублар ўртасидаги жаҳон чемпионатида "Ривер Плейт"га қарши ўйин олдидан ўтказилган матбуот анжуманида.
