Мюнхеннинг "Бавария" клуби ҳужумчиси Томас Мюллер клублар ўртасидаги жаҳон чемпионати гуруҳ босқичи 3-туридан ўрин олган Лиссабоннинг "Бенфика" клубига қарши ўйиндан сўнг ўз фикрларини билдириб ўтди.
Немис гранди 0:1 ҳисобида минимал мағлубиятга учради.
"Мотивация билан боғлиқ муаммолар? Йўқ, шунчаки, жамоа ўзининг энг яхши футболини кўрсатмаётган бўлиши мумкин. Шундай бўлиб туради. Мағлубиятга қарамай, биз ўз кучимизга бўлган ишончни сақлаб қоламиз. Кейинги ўйинга максимал даражада тайёр бўламиз," - дея ҳужумчининг сўзларини келтиради Bayern & Germany.
Клублар ўртасидаги жаҳон чемпионатининг навбатдаги босқичида Венсан Компани шогирдлари Бразилиянинг "Фламенго" жамоасига қарши майдонга тушади.
