"Барселона" марказий ҳимоячиси Рональд Араухо яна "Ювентус" қизиқишлари доирасига тушиб қолди.
Йил бошида уругвайлик "кўк-анорранглилар" билан янги узоқ муддатли шартнома имзолаган эди, аммо миш-мишларга кўра, клуб уни сотишни кўриб чиқишга тайёр. Журналист Давид Бернабеунинг маълум қилишича, 26 ёшли футболчини "Ювентус" ўз сафига қўшиб олмоқчи. Туринликлар вакиллари уругвайлик учун тахминан 25-30 млн евро таклиф қилишни режалаштирмоқда.
Рональд Араухо ўтган мавсум "Барселона" сафида 25 та ўйинда майдонга тушиб, 2 та гол ва 2 та ассистни ўз ҳисобига ёздириб қўйди.
