Мадриднинг "Реал" клуби бош мураббийи Хаби Алонсо ярим ҳимоячи Жуд Беллингемнинг ўйини ҳақида фикр билдирди.
Клублар ўртасидаги жаҳон чемпионатининг ўтган турида "Пачука"га қарши кечган ўйинда (3:1) англиялик футболчи гол уриб, учрашувнинг энг яхши футболчиси совринига сазовор бўлганди.
"Беллингем жамоамиз учун асосий фигура бўлади. У ажойиб фазилатларга эга ва менга унинг майдон марказидаги ўйинга таъсири ёқади. Буни "Пачука" билан ўйинда кўрдик. Жуд - ўз устида тинимсиз ишлайдиган, интилувчан футболчи," - дея Алонсонинг сўзларини келтиради Madrid Universal.
