"Милан" "Байер" ярим ҳимоячиси Гранит Жакани сотиб олишга қийналади.
"Россонерилар" спорт директори Игли Таре футболчининг вакиллари билан боғланди, аммо клублар ўртасидаги музокаралар ҳозирча давом этмаяпти.
Журналист Флориан Плеттенбергнинг сўзларига кўра, миланликлар швейцарияликнинг трансфери жуда қимматга тушишига ишонмоқда, шунинг учун улар таклиф билан чиқишни режалаштирмаяпти.
Transfermarkt маълумотларига кўра Гранит Жаканинг нархи 12 миллион еврони ташкил қилади. Ярим ҳимоячининг “доричилар” билан шартномаси 2028 йилнинг ўрталарига қадар тузилган.
