"Реал" бош мураббийи Хаби Алонсо клублар ўртасидаги жаҳон чемпионати гуруҳ босқичи 3-туридан ўрин олган "Зальцбург"га (3:0) қарши ўйиндан сўнг ҳужумчи Килиан Мбаппе қачон ўйнай олиши ҳақида гапирди. 26 ёшли француз гуруҳдаги барча ўйинларни ўтказиб юборди.

"Биз Килиан бу ўйинда майдонга тушади деб ўйлагандик, аммо у буни уддалай олмади. Энди тўрт кун вақтимиз бор. Оптимист бўлишни истайман, лекин эҳтиёт бўлишни ҳам. Мбаппе бизга керак, чунки у дунёнинг энг яхши ўйинчиларидан бири. Биз унинг ажойиб формада қайтишини истаймиз," - дея Алонсонинг сўзларини келтиради Madrid Universal.

1/8 финал босқичидан ўрин олган "Реал" - "Ювентус" учрашуви 1 июль, сешанба куни бўлиб ўтади ва Тошкент вақти билан 23:59'да бошланади.