"Спортинг" форварди Виктор Дьёкереш ҳали ҳам "Манчестер Юнайтед" футболчисига айланиши мумкин, дея хабар бермоқда TEAMtalk.

Швециялик футболчи Манчестер клубига бошқа клублар қизиқиш билдираётганига қарамай, жамоага ўтишга тайёрлигини маълум қилган. Аввалроқ, унга "Арсенал" қизиқиш билдираётгани хабар қилинганди.

Ўтган мавсумда 27 ёшли Дьекереш барча мусобақаларда 52 та ўйин ўтказиб, 54 та гол урган ва 13 та голга ҳаммуаллифлик қилган. Унинг "Спортинг" билан амалдаги шартномаси 2028 йилнинг ёзига қадар имзоланган. Transfermarкт портали маълумотларига кўра, футболчининг нархи 75 миллион еврони ташкил этади.