"Астон Вилла" ярим ҳимоячиси Жэйкоб Рэмзининг келажаги сўроқ остида қолмоқда.
Daily Mail хабарига кўра, 24 ёшли футболчини "Тоттенхэм" ва "Вест Хэм" клублари диққат билан кузатиб бормоқда, Бирмингем клуби эса таклифларни кўриб чиқишга тайёр. Манбага кўра, "Вилла" Рэмзини 40 миллион фунтга баҳоламоқда. Жамоа раҳбарияти футболчининг ўтган мавсумларда қўшган ҳиссасига қарамай, унинг оғир жароҳат тарихи ва молиявий фейр-плей талаблари доирасида мувозанатни яхшилаш зарурати туфайли сотишга тайёр.
Рэмзи "Астон Вилла" тарбияланувчиси ҳисобланади. 2024/25 йилги мавсумда у барча мусобақаларда 46 та ўйинда майдонга тушиб, тўртта гол урди ва еттита голли узатмани амалга оширди.
