"Кристал Пэлас" Англия Кубоги соҳиби сифатида мамлакат шарафини Европа Лигасида ҳимоя қилиши керак. Яқинда Лондон клуби хўжайин алмашганини эълон қилди ва юзага келган муаммони ҳал қилди. Гап шундаки, Жон Текстор бир вақтнинг ўзида "Кристал Пэлас" (унинг компанияси акцияларининг 43 фоизи) ва "Лион"га (акцияларнинг назорат пакети) эгалик қилган.
Эндиликда, Текстор "Кристал Пэлас"га эгалик қилмай қўйганидан сўнг, УЕФАнинг молиявий назорат бўйича ваколатли органи "бургутлар"ни Европа Лигасига қўйиш бўйича қарор чиқариши керак. Қарор жума куни чиқиши керак эди, лекин энди камида душанба кунига қолдирилди. Бу ҳақда Evening Standard ёзмоқда.
