"Милан" яна эътиборини "Челси"нинг ёш ярим ҳимоячиси Андрей Сантосга қаратди.
Бу ҳақда TEAMtalk ёзмоқда. Бу қизиқиш итальян клубининг Гранит Жака ("Байер") ва Ардон Яшари ("Брюгге") билан шартнома имзолашга муваффақиятсиз уринишлари ва музокаралар боши берк кўчага кириб қолиши фонида пайдо бўлди. Трансфер бозоридаги муваффақиятсизлик "россонерилар" раҳбариятини янада мослашувчан ҳаракат қилишга ундамоқда.
Сантос бўйича эҳтимолий битим 50 млн еврога баҳоланмоқда - "Милан" ҳозирги молиявий шароитда бу суммани кўтаришга тайёр эмас. Бироқ, сотиб олиш имконияти билан ижара мумкин бўлган сценарий сифатида кўриб чиқилади. Клублар ўртасидаги расмий музокаралар ҳали бошланмаган.
Ўтган мавсумда 21 ёшли бразилиялик футболчи "Страсбург" сафида 35 та ўйинда майдонга тушди ва "Челси"дан ижарага олинди. У француз клуби сафида 11 та гол ва олтита голли узатма муаллифи бўлди.
