"Арсенал"нинг собиқ устози Арсен Венгер "Манчестер Сити" вакиллари билан учрашди. Жамоа АҚШда клублар ўртасидаги жаҳон чемпионатида қатнашмоқда.
Француз "Сити" бош мураббийи Пеп Гвардиола ва унинг ёрдамчиси, "Арсенал"да бирга ишлаган Коло Туре билан суҳбатлашди.
Венгер "канонирлар"га 1996 йилдан 2018 йилгача мураббийлик қилган. У жамоа билан 17 та совринни қўлга киритди: 3 марта Англия чемпионати, 7 мартадан мамлакат кубоги ва суперкубоги.
Клублар ўртасидаги жаҳон чемпионатининг 1/8 финалида "Манчестер Сити" "Ал-Ҳилол"га қарши баҳс олиб боради. Ўйин 1 июль куни тонгда старт олади.













