"Рома" ярим ҳимоячиси Леандро Паредес профессионал фаолияти бошланган клубга қайтиш арафасида.
Аргентинанинг Ole нашри хабарига кўра, 30 июнь куни футболчи расман "Бока Хуниорс" футболчисига айланади. Томонлар келишув шартларини келишиб олишди: аргентина гранди 30 ёшли хавбек трансфери учун 3,5 миллион евро тўлайди, Паредеснинг ўзи эса 3,5 йиллик шартнома имзолайди - 2027 йил охиригача.
2024/25 йилги мавсумда Паредес "бўрилар" сафида барча мусобақаларда 33 та ўйин ўтказиб, тўртта гол ва иккита голли узатмани амалга оширди.
