"Рома" жамоанинг асосий дарвозабони Миле Свилар билан шартномани узайтириш бўйича музокараларнинг якуний босқичида турибди.
Corriera dello Sport нашри тарқатган хабарга кўра 25 ёшли сербиялик посбон билан янги келишув 2030 йилгача мўлжалланган. Манбага кўра, футболчига йилига 3,5 миллион евро маош ва кўзда тутилган бонуслар таклиф қилинган - ҳозирда футболчи уч миллионгача олади.
Свилар ўтган мавсумда барча мусобақаларда 51та ўйин ўтказиб, 51та тўп ўтказиб юборган ва 19та баҳсда дарвозаси дахлсизлигини сақлаб қолган.













