Лондоннинг "Арсенал" клуби Дортмунднинг "Боруссия" клуби форварди Карим Адейемига қизиқиш билдирмоқда.
Бу ҳақда Fichajes портали хабар бермоқда. "Канонирлар" раҳбарияти 25 ёшли германиялик футболчининг ўйин сифатлари - хусусан, тезкорлиги, жонбозлиги ва шерикларига вазият ярата олишини юқори баҳоламоқда. Ҳужумчига "Манчестер Юнайтед" ҳам даъвогарлик қилмоқда, улар футболчини ҳужум чизиғини кучайтириши мумкин бўлган ўйинчи сифатида кўрмоқда.
2024/25 йилги мавсумда Адейеми Дортмунд клуби сафида барча мусобақаларда 39 та ўйин ўтказиб, 12 та гол ва тўққизта голли узатмани амалга оширди.
