"Копенгаген" вингери Руни Барджи яқин кунларда "Барселона" футболчисига айланади. Трансфер томонлар ўртасида келишилган ва тез орада расман тасдиқланиши мумкин. Diario Sport хабарига кўра, Каталония клуби 19 ёшли футболчи билан шартномани келаси ҳафтада якунламоқчи. Швециялик футболчи тиббий кўрикдан ўтади ва "кўк-анорранглилар" билан шартнома имзолайди.

Руни Бардгджининг трансфери "Барселона"га нисбатан арзон тушиши тахмин қилинмоқда, чунки ўсиб келаётган юлдузнинг "Копенгаген" билан шартномаси шу йилнинг охирида тугайди. Transfermarkt портали футболчининг нархини 7,5 млн еврога баҳоламоқда.