Мадриднинг "Реал" клуби ҳужумчиси Гонсало Гарсияга "Рома" қизиқиш билдирмоқда.

21 ёшли футболчи клублар ўртасидаги жаҳон чемпионати гуруҳ босқичининг учта ўйинида ёрқин ўйин кўрсатиб, иккита гол ва битта ассистни ўз ҳисобига ёздириб қўйди. Журналист Экрем Конурнинг ёзишича, умидли испаниялик футболчини "Рома" нишонга олган, шунингдек, футболчи "Лидс", "Сандерленд" ва "Реал Овьедо" клублари қизиқишлар рўйхатидан ўрин олган.

Гонсало Гарсиянинг мадридликлар билан амалдаги шартномаси 2027 йилгача мўлжалланган бўлиб, Transfermarkt талқинига кўра унинг нархи 8 млн еврони ташкил этади. Ҳужумчи "қаймоқранглилар"нинг асосий жамоаси сафида тўққизта ўйинда учта гол ва иккита голли узатмани амалга оширган.