"Манчестер Сити" бош мураббийи Хосеп Гвардиола Юрген Клоппнинг яқинда шов-шувга сабаб бўлган баёнотига муносабат билдирди.
Эслатиб ўтамиз, "Ливерпуль"нинг собиқ раҳбари клублар ўртасидаги жаҳон чемпионатини ҳозирги кўринишда "футбол тарихидаги энг ёмон амалга оширилган ғоя" деб атаган эди.
"Биз кўп марта бир хил ғоялар учун курашганмиз - айниқса, тақвим ва ўйин сифати ҳақида гап кетганда, чунки футболчилар ва мураббийлар кўпроқ дам олганида футбол яхшироқ бўлади.
Клопнинг КЎЖЧ ҳақидаги сўзлари мени ҳайрон қолдирмади. Мен уни тушунаман ва ҳурмат қиламан. Кўп йиллик рақобатимиз давомида ажойиб муносабатларга эга эдик ва мен унинг далилини тушунаман. Лекин мураббийлар тақвим тузишмайди, турнирлар ташкил этишмайди. Ҳамманинг ўз вазифаси бор," - деди Гвардиола клублар ўртасидаги ЖЧ 1/8 финалидан ўрин олган "Ал-Ҳилол"га қарши ўйин олдидан.
