Мадриднинг "Реал" клуби янги ҳужумчи сотиб олиш фикридан қайтди. Клубда "янги Хоселу" - бошланғич позицияни талаб қилмайдиган самарали ҳужумчи-ўринбосарини таклиф қилиш имконияти кўриб чиқилди. Diario AS хабарига кўра, "қаймоқранглилар" раҳбарияти бу вазифани 21 ёшли Гонсало Гарсия аъло даражада уддалайди, шунинг учун трансфердан маъно йўқ, деган қарорга келган.
Гарсия клублар ўртасидаги жаҳон чемпионатида Хаби Алонсо жамоасининг учта ўйинида иккита гол ва битта голли узатмани амалга оширди. Ўтган мавсумда футболчи асосан "Реал"нинг иккинчи жамоаси "Кастилья"да тўп тепган ва у ерда феноменал сермаҳсуллик намойиш этганди.













