Madridning "Real" klubi yangi hujumchi sotib olish fikridan qaytdi. Klubda "yangi Xoselu" - boshlang‘ich pozisiyani talab qilmaydigan samarali hujumchi-o‘rinbosarini taklif qilish imkoniyati ko‘rib chiqildi. Diario AS xabariga ko‘ra, "qaymoqranglilar" rahbariyati bu vazifani 21 yoshli Gonsalo Garsiya a’lo darajada uddalaydi, shuning uchun transferdan ma’no yo‘q, degan qarorga kelgan.
Garsiya klublar o‘rtasidagi jahon chempionatida Xabi Alonso jamoasining uchta o‘yinida ikkita gol va bitta golli uzatmani amalga oshirdi. O‘tgan mavsumda futbolchi asosan "Real"ning ikkinchi jamoasi "Kastilya"da to‘p tepgan va u yerda fenomenal sermahsullik namoyish etgandi.
