"Кристал Пэлас" марказий ҳимоячиси Марк Гехи ёзда "Ливерпуль"га ўтишга қизиқмоқда.
"Қизиллар" ҳозирча "бургутлар" билан 24 ёшли футболчининг трансфер шартлари бўйича келишувга эришмаган, аммо унинг ўзини кўндиришган. Anfield Sector хабарига кўра, Гехи учун асосий деталь - келаси ёзда бўлиб ўтадиган жаҳон чемпионати олдидан Англия терма жамоасидан тушиб қолмаслик учун бошланғич таркибда ўйнаш имконияти. "Ливерпуль" футболчига мунтазам равишда майдонга тушишини билдирган, шунинг учун у энди Арне Слот жамоасига ўтмоқчи.
Бироқ, маълумотларга кўра, агар клублар ўзаро келишувга эришмаса, Марк Гехи ўз трансферини тезлаштирмайди. Transfermarkt портали марказий ҳимоячи нархини 45 млн еврога баҳоламоқда.
