"Барселона" Чемпионлар Лигаси ярим финалидан чиқиб кетганига қарамай, ажойиб мавсум ўтказа олди. Каталонияликлар Испания чемпионати, Кубоги ва Суперкубогида ғалаба қозонишди, бу эса улар Европанинг капитализациясини энг кескин кўтарган клубига айланганини англатади.
Йил давомида "Барселона"нинг нархи 190 млн еврога ошди. Бу жадвалда иккинчи ўринда Парижнинг "ПСЖ" клуби бормоқда - унинг нархи 176 млн еврога ошган.
Қизиғи шундаки, учинчи ўринни Португалия чемпиони Лиссабоннинг "Спортинг" жамоаси эгаллаб турибди. Ушбу муваффақиятли йил давомида унинг капиталлашуви 118 миллион еврога ошди. Германиянинг "Айнтрахт" клуби молиявий ўсиш бўйича тўртликни якунламоқда - плюс 107 млн евро.
