Ёзда "Барселона" таркибида ўзгаришлар бўлиши мумкин. Ярим ҳимоячилардан бири - Фермин Лопес клубни тарк этиши мумкин. Испаниянинг Sport нашри хабарига кўра, "кўк-анорранглилар" футболчининг келажаги борасидаги позициясини юмшатган. Каталонияликлар яхши таклиф бўлса, Лопесни сотиб юборишга тайёр бўлади.

"Барселона" бош мураббийи Ханс-Дитер Флик Фермин Лопесни юқори баҳоламоқда ва уни янги мавсумда жамоанинг бир қисми сифатида кўрмоқда. Аммо мураббийга клубнинг молиявий аҳволи ҳақида маълумот берилган ва у "Барселона" сотишни режалаштирмаганлардан бирини сотишига тўғри келишини тушуниб турибди.

22 ёшли Фермин Лопесни "Ливерпуль" ва "Бавария" кузатиб бормоқда. Нуфузли "Transfermarkt" портали футболчини 50 миллион еврога баҳоламоқда.