Лондоннинг “Арсенал” клуби ярим ҳимоячиси Томас Парти тез орада клубини алмаштиради.

"Канонирлар" 32 ёшли футболчининг 1 июлда тугайдиган шартномасини узайтирмасликка қарор қилишди. Журналист Грем Бейлининг ёзишича, ганалик футболчига "Галатасарой" қизиқмоқда.

Турк клуби аллақачон ярим ҳимоячи билан музокаралар олиб борган, бироқ бошқа юлдуз номзодлар – Хоқон Чалханўглу (“Интер”) ва Илкай Гюндоган (“Манчестер Сити”)ни ҳам кўриб чиқмоқда.

Томас Парти 2020 йилдан бери "Арсенал" шарафини ҳимоя қилмоқда. Ўтган мавсумда тажрибали футболчи Микел Артета жамоасида барча мусобақаларда 52 та ўйин ўтказиб, 4 та гол ва 3 та голли узатмани амалга оширди.