Франциянинг "Лион" клубига тегишли бўлган грузиялик ҳужумчи Жорж Микаутадзе туманли Альбионга кўчиб ўтиш имкониятига эга. Бу ҳақда Footmercato журналистлари хабар бермоқда.
Манбага кўра, 24 ёшли ҳужумчини "Сандерленд" ўз сафига қўшиб олмоқчи. Футболчининг бозор нархи 22 миллион еврога баҳоланмоқда.
Ўтган мавсумда Микаутадзе "Лион"нинг 47 та ўйинида иштирок этган. Ҳужумчи ўз ҳисобига 17 та гол ва 11 та голли узатмани ёздириб қўйган.













