Осиёнинг қатор мамлакатларида ёш футболчиларга ўйин амалиёти бериш учун клубларга маълум даражада чеклов ва имтиёзлар мавжуд. Жумладан, Ўзбекистонда ҳам. Келинг бугун шу нарсани Осиёнинг қатор мамлакатлари мисолида кўриб чиқамиз
* Эронда 21 ёшгача бўлган 7 та ва яна 23 ёшгача бўлган 7 та футболчини лимитдан ташқарида рўйхатдан ўтказиш мумкин
* Саудия Арабистонида ёш футболчиларни чекланмаган миқдорда рўйхатдан ўтказиш мумкин
* Қатарда ҳар бир клуб максимум 4 та 28 ёшдан катта футболчини лига рўйхатидан ўтказиши мумкин. Шунингдек, клублар икки нафар 21 ёшдан кичик легионер футболчиларни лимитдан ташқарида рўйхатдан ўтказиш ҳуқуқига эга.
* Индонезияда ҳар бир клуб битта ўйинда 21 ёшдан кичик 1 та футболчини 45 дақиқа ўйнатиши керак
* Қизиқ юриш. Японияда ҳар бир ўйин учун клуб камида 4 та ўз тарбияланувчисини ўйин қайдномасига киритиши керак
* Жанубий Кореяда клублар 1 та ўйин қайдномаси учун 2 та 22 ёшдан кичик футболчини рўйхатдан ўтказиши ва улардан биттаси ўйинни асосий таркибда бошлаши талаб этилади.
* Кўп мамлакатларда, жумладан Ўзбекистонда ҳам меҳнатга ҳақ тўлашнинг минимум чегараси мавжуд. Австралия клублари 9 нафар 20 ёшдан кичик футболчи билан шартнома тузаётганда айнан шу чегарага амал қилмаслик ҳуқуқига эга
* Ливанда янада қизиқроқ бир қоида бор. Унга кўра клублар, лига рўйхатидан ўтказган ёш футболчиларига бир мавсумда 1250 дақиқа ўйин амалиёти бериши керак
