Osiyoning qator mamlakatlarida yosh futbolchilarga o‘yin amaliyoti berish uchun klublarga ma’lum darajada cheklov va imtiyozlar mavjud. Jumladan, O‘zbekistonda ham. Keling bugun shu narsani Osiyoning qator mamlakatlari misolida ko‘rib chiqamiz
* Eronda 21 yoshgacha bo‘lgan 7 ta va yana 23 yoshgacha bo‘lgan 7 ta futbolchini limitdan tashqarida ro‘yxatdan o‘tkazish mumkin
* Saudiya Arabistonida yosh futbolchilarni cheklanmagan miqdorda ro‘yxatdan o‘tkazish mumkin
* Qatarda har bir klub maksimum 4 ta 28 yoshdan katta futbolchini liga ro‘yxatidan o‘tkazishi mumkin. Shuningdek, klublar ikki nafar 21 yoshdan kichik legioner futbolchilarni limitdan tashqarida ro‘yxatdan o‘tkazish huquqiga ega.
* Indoneziyada har bir klub bitta o‘yinda 21 yoshdan kichik 1 ta futbolchini 45 daqiqa o‘ynatishi kerak
* Qiziq yurish. Yaponiyada har bir o‘yin uchun klub kamida 4 ta o‘z tarbiyalanuvchisini o‘yin qaydnomasiga kiritishi kerak
* Janubiy Koreyada klublar 1 ta o‘yin qaydnomasi uchun 2 ta 22 yoshdan kichik futbolchini ro‘yxatdan o‘tkazishi va ulardan bittasi o‘yinni asosiy tarkibda boshlashi talab etiladi.
* Ko‘p mamlakatlarda, jumladan O‘zbekistonda ham mehnatga haq to‘lashning minimum chegarasi mavjud. Avstraliya klublari 9 nafar 20 yoshdan kichik futbolchi bilan shartnoma tuzayotganda aynan shu chegaraga amal qilmaslik huquqiga ega
* Livanda yanada qiziqroq bir qoida bor. Unga ko‘ra klublar, liga ro‘yxatidan o‘tkazgan yosh futbolchilariga bir mavsumda 1250 daqiqa o‘yin amaliyoti berishi kerak
