Бразилиянинг "Флуминенсе" клуби форварди Херман Кано клублар ўртасидаги ЖЧ - 2025 1/8 финали доирасида Миланнинг "Интер" клубига қарши кечган ғалабали ўйин ҳақидаги фикрлари билан ўртоқлашди.
"Биз дунёнинг энг яхши футбол лигаларидан бирида ўйнаймиз. Катта ютуқларга эришишимизга ишонамиз. "Интер" устидан қозонилган ғалабадан сўнг, биз Бразилияни жаҳон чўққисига олиб чиқдик, чунки биз бундай катта турнирнинг чорак финалига чиқа олдик. Бутун жамоани бундай муваффақият билан табрикламоқчиман," - дея ҳужумчининг сўзларини келтиради ФИФА матбуот хизмати.
Эслатиб ўтамиз, бразилияликлар "Интер"ни 2:0 ҳисобида мағлуб этишганди. 1/4 финалда "Флуминенсе" "Ал-Ҳилол" билан куч синашади.
