Ҳужумчи Оливье Жиру "Лилль" билан шартноманинг барча шартларини келишиб олди, дея хабар бермоқда инсайдер Фабрицио Романо.
Келишув яна бир мавсумга узайтириш имконияти билан 2026 йилнинг июнига қадар мўлжалланган.
28 июнь куни "Лос-Анжелес" 38 ёшли Жиру билан ҳамкорликни тўхтатганини маълум қилди. У клуб сафида 2024 йилнинг ёзидан буён тўп тепиб келмоқда ва жамоа сафида 37 та ўйинда майдонга тушиб, 5 та гол урди ва 3 та голли узатмани амалга оширди.













