Мадриднинг "Реал" клуби собиқ ҳужумчиси Хоселу Гонсало Гарсиянинг муваффақиятлари туфайли клубга янги ҳужумчи қидиришга ҳожат йўқ, деб ҳисобламоқда.
Ўтган мавсумда асосан "Кастилья" сафида тўп тепган 21 ёшли футболчи клублар ўртасидаги жаҳон чемпионати 1/8 финалидан ўрин олган "Ювентус"га қарши ўйинда ягона гол муаллифига айланди.
"Энди янги "тўққизлик"ни излашнинг ҳожати йўқ. "Реал" аллақачон Гонсало сиймосида ажойиб истеъдодга эга ҳужумчини топди," - дея Хоселунинг сўзларини келтиради Madrid Universal.
