"Челси" марказий ҳимоячиси Леви Колвилл жамоадоши Рис Жеймсни мақтади.
"Кўклар"нинг 25 ёшли сардори клублар ўртасидаги жаҳон чемпионати 1/8 финалидан ўрин олган "Бенфика"га қарши кечган ва лондонликларнинг қўшимча бўлимлардаги (4:1) ғалабаси билан якунланган ўйинда жарима зарбасидан гол урди.
"Риснинг яхшилигини ҳамма билади. Унинг тўп билан ва тўпсиз бажарадиган кўп ишлари менга шунчаки ажойиб туюлади. Менимча, одамлар унинг қанчалик яхши эканлигини тушунишмайди. Ажойиб футболчи, бу ерда икки хил фикр бўлиши мумкин эмас," - дея Колвиллнинг сўзларини келтиради "Челси" матбуот хизмати.
