Хорватия U21 терма жамоаси бош мураббийи Нико Ковач мамлакат U20 терма жамоасининг Туркияда бўлиб ўтаётган ЖЧдаги иштироки борасидаги фикрлари билан ўртоқлашди.

"Мен ўйиндан олдин тахмин қилишни ёқтирмайман. Уругвайга қарши ўйин олдидан ютқазмасак яхши бўларди, деб айтгандим. Уругвай кучли жамоа ҳисобланади, аммо Хорватия ҳам кучсиз эмас. Хорватия ушбу ўйинда ғалаба ҳақли ўйин кўрсатди. Уругвай иқтидорларга бой жамоа ҳисобланади. Уларнинг айрим ўйинчилари машҳур жамоаларда тўп суришади, аммо бизда ҳам иқтидорлар етарлича", дейди Нико.

"Биз биринчи бўлимда яхши ўйнадик. Уругвай катта куч билан ҳимояланди. Бу ўйинда 2:0 ҳисобида ғалаба қозонишимиз ҳам мумкин эди. Биз дадил ўйнадик. Биринчи ўйинда ғалаба қозониш муҳим аҳамиятга эга. Агар биринчи ўйинда ғалаба қозонмасак, кейинчалик очко жамғариш қийин бўлади. Ҳозир яхши ҳолатдамиз. Лекин хотиржамликка берилмаслигимиз керак", дейди Ковач.

"Ўйиндан ўйинга кучайиб боришимиз керак. Терма жамоанинг бу мусобақада иштирок этаётганини ўзи катта гап. Ушбу жамоа орасидан менинг терма жамоамга номзод бўлган футболчиларга кўздан кечиряпман. Тез орада уларни йиғинга таклиф қиламан. Кейинги баҳсимиз Ўзбекистонга қарши кечади. Биз бу ўйин ҳақида ўйламоқдамиз. Ўзбекистон кучсиз Янги Зеландияни мағлубиятга учратди. Бу жамоа билан ҳазил тариқасида ўйнаб бўлмайди. Футболчилар дастлабки ўйиндан кейин тезроқ тикланиб, ўйинга тайёр ҳолатда келишлари керак. Мени ҳайрон қолдирган жиҳати, биз катта мусобақада иштирок этяпмиз, бироқ Хорватиядан бирорта ҳам журналист Туркияга етиб келмаган. Мана сизга мамлакат футболининг келажаги...", дейди Хорватия U21 терма жамоаси мураббийи.