Мадриднинг “Реал” клуби дарвозабони Тибо Куртуа клублар ўртасидаги жаҳон чемпионатининг янги формати борасидаги танқидларни қўллаб-қувватламайди.
Сешанба куни "қаймоқранглилар" "Ювентус"ни мағлуб этишди (1:0) ва чорак финалга йўл олишди. Ўйиндан кейин берган интервьюсида бельгиялик дарвозабон турнирнинг янги форматини ёқтиришини айтди.
"Агар сиз клублар ўртасидаги жаҳон чемпионати маъносиз, деган тўртта ижтимоий тармоқ фойдаланувчисига ишонсангиз, адашасиз. Футболни тушунадиган ҳар бир киши иштирок этаётган жамоаларнинг савиясини кўради", - деди Куртуа ОАВга берган интервьюсида.
Аввалроқ, "Реал" бош мураббийи Хаби Алонсо ҳам жаҳон чемпионатини қўллаб-қувватлаган эди. 1/4 финалда мадридликлар Дортмунднинг “Боруссия” жамоасига қарши баҳс олиб боради.
