Мадриднинг "Реал" клуби дарвозабони Тибо Куртуа жамоага янги келган Трент Александр-Арнольднинг ноёб фазилатини эътироф этди.
Сешанба куни англиялик футболчи "қаймоқранглилар"га КЎЖЧ 1/8 финалида "Ювентус"ни минимал ҳисобда мағлуб этишга ёрдам берди ва голли узатмани амалга оширди. Ўнг қанот ҳимоячиси ўз қанотидан жарима майдонига тўпни узатиб берди, у ерда Гонсало Гарсия бош билан тўпни дарвозага жойлаб қўйди.
"Мен Трент каби сифатли узатмаларга эга бўлган футболчини кўрмаганман. Дарвозабон учун бу шунчаки даҳшат: сиз олдинга чиқиш ёки чизиқда қолиш ҳақида қарор қабул қила олмайсиз ва бундай вазиятда бир қарорга келиш учун жуда кўп ҳаракат қилишингиз керак. Трент билан ишлаш мени яхшироқ қилади," - деди Куртуа ўйиндан кейинги интервьюсида.
